भौत करहै हिंदी में बात… -Bhaut Karahai Hindi Mein Baat

भौत करहै हिंदी में बात
भौत करहै इंग्लिश में बात
अब आपुण भाषा अपनाओ
पहाड़िम बुलाओ, पहाड़िम बुलाओ

उठो ठाड़ और मुंणी करो प्रयास
आपुण भाषाक चांहछा विकास
खुद लै बुलाओ नना कै लै सिखाओ
पहाड़िम बुलाओ, पहाड़िम बुलाओ

बर्गर पिज्जा खै हैली भौत
घ्यौं दगै खाओ अब मनुअ रौट
संस्कृति कै अब आपुण बचाओ
पहाड़िम बुलाओ, पहाड़िम बुलाओ

वसी ती हय सब भाषा खास
पर आपुण बोलिक अलग मिठास
आपुण भाषा कै सम्मान दिवाओ
पहाड़िम बुलाओ, पहाड़िम बुलाओ

bhaut karahai hindi mein baat
bhaut karahai english mein baat
ab aapun bhaasha apanao
pahadim bulao, pahadim bulao

utho thad aur munnee karo prayaas
aapun bhaashaak chanhancha vikaas
khud lai bulao nana kai lai sikhao
pahadim bulao, pahadim bulao

bargar pizza khai haili bhaut
ghyaun dagai khao ab manua raut
sanskriti kai ab aapun bachao
pahadim bulao, pahadim bulao

vasee tee hay sab bhaasha khas
alag aapan bolik alag mithaas
aapun bhaasha kai sammaan divao
pahadim bulao, pahadim bulao